დასავლეთ გერმანიაში, მოხუცთა თავშესაფარში გაჩენილ ხანძარს სულ მცირე ოთხი ადამიანი ემსხვერპლა, 21-მდე კი დაშავდა.
ინციდენტი ბედბურგ-ჰაუში, ჩრდილოეთ რაინ-ვესტფალიაში მოხდა. თავშესაფრიდან 46 მაცხოვრებელი უკვე ევაკუირებულია.
პოლიციის ცნობით, შემთხვევის ადგილას დაშავდნენ მეხანძრე და მაშველი, ისინი საავადმყოფოში გადაიყვანეს. ხანძარი უკვე ლიკვიდირებულია, თუმცა მეხანძრე-მაშველები შემთხვევის ადგილას ამ დრომდე მუშაობენ.
